Тамаша City
«Тамаша City» - ірі телевизиялық жоба. Әр саны белгілі бір тақырып төңірегінде өрбитін еркін импровизациялық концерт түрінде өтеді. Конфераньсе рөлінде «Тамаша» актерларының өзі. Бір бағдарламада «Тамаша» театрының көңілді миниатюрасы мен актерлердің орындауындағы музыкалық нөмір үйлесімін тауып, кезектесіп отырады. Актердің заманауи әзіл-сықақ монологы, жандандырып әкететін конферанс, студиядағы көрермен мен жұлдыздар қатысатын интерактивті ойындар мен ұтыстар. Концерт арасындағы арнайы айдарда «Тамашаның» алтын қорынан алынған әзілдер көрсетіледі. Театрдың кәнігі актерларынан бөлек жас шығармашылық тұлғалар – әзіл-сықақтың, эстраданың, музыка мен хореографияның жаңа жұлдыздары да өнер көрсетеді.
«Тамаша City» жобасы «Еуразия» бірінші арнасының» тапсырысы бойынша 2017 жылы жарыққа шықты.